Jasse mit Ärbsmues

Total 15 Teilnähmerinne/Teilnähmer hei sich zum Jasse agmäudet, das git 3 Ris = 12 Jasser 1 Supperüehrer 2 wo Chrütsworträtsle. Das isch üsi Zämestellig gsy, im Huus vo de Ornithologe Chonufinge. Kathrin u ig hei am Morge Suppe überta, zwüsch iche bi ig its Huus ga heize u gluegt gäb ds Wasser louft, u das isch g’lofe, jetz no der Ofe i’schaute.

Wider daheim, schmöckts scho feiechli gut nach Ärbsmues, jetz müesse d’Chnödli id Suppe, u wichtig, isch geng Rühere dass sy nid a’bräntet.

Nachem z’Mittagässe nähmer d’Chnödli us der Suppe u düese ine Chühebox dass sy warm blybe. Material ilade u ueche i Tonisbach zum Huus, dert vorbereite, dass we Teilnähmer chöme aus parat isch. Zwüsch ich no hurti am Grebli nah ueche ga luege gäb öpe a Morchle der Chopf zum Bode us schtreckt, aber luter nüth gfunge. Pünktlich uf die drü het dä Wetkampf a’gfange, d’Nummero wärde zoge u d’Schpiler hei ihrer Plätz i gno, vorher hets no paar Minute gä für zäme ds Brichte.

Zersch isches stiu u nadis na wird’s lüter, u de wird dischbidiert u debatiert wasme hät chönne besser mache oder äbe o nid. Trumpf u Böck söt me ha wet wosch erscht wärde. Nachem Jasse, wird Ärbsmues serviert u d’Chnödli wärde vertromet oder Wurscht je nach Bschtelig wo isch ufgäh worde. D Lüt möge veiechli rüeme, wi das guet sig, jedefaus isch tou Suppe gässe worde. D Margrith Wüthrich het its no Büro-Dienscht u macht a Ranglischte zwäg, merci Margrith für die Chrampf.
Anschliesend isch Rangverkündigung.

Jetz no as Dessär, das darf nit fähle Haslichueche u Bläch-Schoggichueche hets gäh, merci de Beckerinne, es isch fein gsy.

– Ruedi

Rangliste (41. Mal)